“Halkara parahatçylyk we ynanyşmak ýyly: Türkmenistanyň hemişelik Bitaraplygynyň dabaralanmagy” atly maslahat geçirildi

24-nji martda Aşgabat şäher häkimliginiň “Mekan” köşgünde “Halkara parahatçylyk we ynanyşmak ýyly: Türkmenistanyň hemişelik Bitaraplygynyň dabaralanmagy” atly maslahat geçirildi. Ol 2025-nji ýylyň 21-nji martynda Amerikanyň Birleşen Ştatlarynyň Nýu-Ýork şäherinde Birleşen Milletler Guramasynyň Baş Assambleýasynyň 79-njy sessiýasynyň 61-nji plenar mejlisinde ýurdumyzyň başlangyjy bilen “Türkmenistanyň hemişelik Bitaraplygy” atly Kararnamanyň biragyzdan kabul edilmegine bagyşlandy. “Mekan” köşgüne ýurdumyzyň Hökümet agzalary, daşary ýurtlaryň we halkara guramalaryň Türkmenistanda işleýän wekilhanalarynyň ýolbaşçylary, ýokary okuw mekdepleriniň professor-mugallymlary, jemgyýetçilik guramalarynyň, köpçülikleýin habar beriş serişdeleriniň wekilleri, talyplar ýygnandylar.ÇEŞME:“Türkmenhowaýollary” agentligi

26.03.2025 13:58

Bilim ministrligine Türkmenistanda öndürilen degişli mukdardaky noutbuk kompýuterlerini satyn almak barada şertnama baglaşmaga ygtyýar berildi

Berkarar döwletiň täze eýýamynyň Galkynyşy döwründe Türkmenistanyň Prezidentiniň bilim syýasatyny üstünlikli durmuşa geçirmek, ýaş nesilleriň döwrebap bilim-terbiýe almagy we innowasion tehnologiýalardan baş çykarýan, giň gözýetimli hünärmenler bolup ýetişmegi üçin amatly şertleri döretmek, şeýle hem ýurdumyzyň umumy orta bilim berýän mekdeplerine 2025-2026-njy okuw ýylynda 1-nji synpa okuwa kabul edilýän okuwçylara noutbuk kompýuterlerini sowgat bermek maksady bilen, Türkmenistanyň Prezidenti Karara gol çekdi. ÇEŞME:“Türkmenhowaýollary” agentligi

25.03.2025 13:55

Türkmenistanda Halkara Nowruz güni ýokary ruhubelentlikde garşylandy

21-nji martda türkmen halky Milli bahar baýramyny — Halkara Nowruz gününi ýokary ruhubelentlikde we şatlykda, ýagşy arzuw-umytlar bilen garşylady. Esasy dabaralar, däp bolşy ýaly, Ahal welaýatynyň Ak bugdaý etrabyndaky “Nowruz ýaýlasynda” ýaýbaňlandyryldy. ÇEŞME:“Türkmenhowaýollary” agentligi

24.03.2025 12:27

“Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahat geçirildi

Düýn paýtagtymyzdaky Söwda-senagat edarasynda “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahat geçirildi. Ýurdumyzyň hemişelik Bitaraplygynyň şanly 30 ýyllygyna beslenýän Halkara parahatçylyk we ynanyşmak ýylynda geçirilýän bu maslahata türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň gatnaşmagy onuň ähmiýetini has-da artdyrdy. Foruma Mejlisiň Başlygy, Ministrler Kabinetiniň Başlygynyň orunbasarlary, ministrlikleriň we pudaklaýyn dolandyryş edaralarynyň, jemgyýetçilik guramalarynyň, köpçülikleýin habar beriş serişdeleriniň, daşary ýurtlaryň döwlet edaralarynyň we iri kompaniýalaryň, halkara guramalaryň, maliýe institutlarynyň, Türkmenistandaky diplomatik wekilhanalaryň ýolbaşçylary hem-de wekilleri, talyplar gatnaşdylar.ÇEŞME:“Türkmenhowaýollary” agentligi

22.03.2025 16:14

Turkish Airlines Stambul-Aşgabat-Stambul ugry boýunça gatnawlaryñ sanyny köpeldýär

2025-nji ýylyñ 30-njy martyndan başlap Stambul bilen Aşgabadyñ arasyndaky gatnawlaryñ sany hepdede 14-e çenli köpeldiler. Bu barada Aşgabatdaky Turkish Airlines awiakompaniýasynyñ wekiliýetinde ORIENT saýtyna habar berdiler. Ozal türk awiadaşaýjysy bellenen ugur boýunça hepdede 11 gatnawlary amala aşyrýardy. çeşme:''Türkmenistanyň Ministrler Kabinetiniň ýanyndaky Ulag we kommunikasiýalar agentligi"

22.03.2025 11:17

Birža söwdalarynda geleşikleriň 24-si hasaba alyndy

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 24-si hasaba alyndy. Daşary ýurt puluna Owganystanyň işewür toparlarynyň wekilleri «Türkmennebit» döwlet konserniniň kärhanasynda öndürilen uçar kerosinini, suwuklandyrylan gazy, şeýle hem «Türkmenhimiýa» döwlet konserniniň kärhanasynda öndürilen ECO-93 kysymly awtoulag benzinini satyn aldylar.ÇEŞME:“Türkmenhowaýollary” agentligi

19.03.2025 17:18

Türkmenistan bilen ÝUNISEF-niň arasyndaky gatnaşyklaryň geljekki ugurlary ara alnyp maslahatlaşyldy

Mart aýynyň 15-ne Gahryman Arkadagymyzyň yhlasyndan binýat bolan Arkadag şäherinde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti O.Atabaýewanyň Birleşen Milletler Guramasynyň Çagalar gaznasynyň (ÝUNISEF) Türkmenistandaky wekili hanym Jalpa Ratna bilen duşuşygy boldy. Onda Türkmenistan bilen ÝUNISEF-niň arasyndaky gatnaşyklaryň häzirki ýagdaýy we ony ösdürmegiň geljekki ugurlary ara alnyp maslahatlaşyldy.ÇEŞME:“Türkmenhowaýollary” agentligi

18.03.2025 09:09

Türkmenistanyň Döwlet daşary ykdysady iş banky müşderileri üçin täze hyzmat girizýär

Türkmenistanyň Döwlet daşary ykdysady iş banky syýahat ýa-da iş saparyny amala aşyrýan «MasterСard Gold» we «MasterСard Business» kartlarynyň eýeleri üçin täze hyzmatyň girizilendigini habar berýär. Hyzmata laýyklykda bankyň müşderileri «Lounge Key» programmasynyň üsti bilen tutuş dünýä boýunça halkara howa menzillerinde bar bolan biznes zallaryna ýylda iki gezek mugt girip bilýärler. çeşme:''Türkmenistanyň Ministrler Kabinetiniň ýanyndaky Ulag we kommunikasiýalar agentligi"

17.03.2025 08:36

Türkmenabat halkara howa menzili wideo gözegçilik ulgamyna tehniki hyzmat bermek boýunça bäsleşik yglan edýär

“Türkmenhowaýollary” agentliginiň Türkmenabat halkara howa menziliniň toplumynda oturdylan wideo gözegçilik ulgamyny hemişe işjeň ýagdaýda saklamak we olara ygtyýarly hünärmenler tarapyndan wagtly-wagtynda tehniki hyzmatlary bermek üçin ýerine ýetirijini saýlamak boýunça açyk görnüşli bäsleşik yglan edýärAçyk bäsleşige gatnaşmaga isleg bildirýän kompaniýalar, telekeçiler, hususy kärhanalar ýüzlenme haty bilen aşakdaky resminamalary we maglumatlary hödürlemeli: kompaniýa barada gysgaça maglumat, hukuk derejesi, hasaba alnandygy barada resminamalary, ýuridiki salgysy, kompaniýanyň jogapkär wekili, onuň el we iş telefony; kompaniýanyň agzalan ugur boýunça bar bolan tejribesi hakynda maglumatlar; bäsleşige gatnaşjak kompaniýanyň jogapkär wekiliniň ynanç haty; bäsleşige gatnaşmak üçin 70,00 manat (ýetmiş manat — goşulan baha üçin salgydy goşmak bilen) töleg tölemeli (gatnaşmak üçin töleg yzyna gaýtarylmaýar). Habarlaşmak üçin telefon belgileri: +993 (422) 9-46-78; +993 (422) 9-47-03; Türkmenabat şäheri, Bagtyýarlyk köçesi.ÇEŞME:“Biznes Türkmenistan”

13.03.2025 16:46

«ÇaparPay»: amatly töleg etmek üçin niýetlenen mobil goşundy

«ÇaparPay» mobil goşundysy Türkmenistanyň raýatlarynyň gündelik durmuşyny görnetin aňsatlaşdyrýar. Döwrebap ulanyjynyň isleglerini kanagatlandyrmak üçin döredilen bu goşundy banka ýa-da töleg terminalyna barmazdan, gönümel ýüzugra köp sanly maliýe amallaryny amala aşyrmaga mümkinçilik berýär. Ulanyjylar «ÇaparPay-yň» kömegi bilen ýol hereketiniň kadalarynyň bozulmagy üçin jerimeleri, jemagat hojalygy hyzmatlary, meşhur «Belet» platformasynyň hasaby ýa-da «Älem TV» emeli hemra teleýaýlym hyzmatyna ýazylmak üçin tölegleri töläp bilerler.çeşme:''Türkmenistanyň Ministrler Kabinetiniň ýanyndaky Ulag we kommunikasiýalar agentligi"

12.03.2025 11:51

«Türkmenistan» awiakompaniýasy Delä goşmaça uçuşlary amala aşyrar

«Türkmenistan» awiakompaniýasy 15 — 29-njy mart aralygynda Aşgabat — Deli — Aşgabat ugry boýunça goşmaça gatnawlary amala aşyrar. Goşmaça howa gatnawlary hepdäniň şenbe günlerinde guralar. Bu barada awiakompaniýanyň resmi saýtynda habar berildi. Bellenilişi ýaly, goşmaça uçuşlar bu döwürde syýahat etmegi meýilleşdirýän ýolagçylara amatlylygy üpjün edip, Türkmenistan bilen Hindistanyň arasyndaky ulag arabaglanyşygyny gowulandyrar. Goşmaça maglumatlary ýa-da petekleri turkmenistanairlines.tm alyp bilersiňiz. çeşme:''Türkmenistanyň Ministrler Kabinetiniň ýanyndaky Ulag we kommunikasiýalar agentligi"

12.03.2025 11:43

Ulag pudagynda geçen iki aýda ýerine ýetirilen işleriň we hyzmatlaryň ösüş depgini 117,2 göterime deň boldy

7-nji martda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda geçen iki aýda ýurdumyzyň ykdysadyýetiniň pudaklarynda alnyp barlan işleriň jemleri jemlenildi, şeýle hem döwlet durmuşyna degişli käbir beýleki meselelere seredildi. Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew gözegçilik edýän ulgamlarynda şu ýylyň ýanwar-fewral aýlarynda alnyp barlan işleriň netijeleri barada hasabat berdi. Hasabat döwründe bu toplum boýunça ýerine ýetirilen işleriň we hyzmatlaryň ösüş depgini 117,2 göterime deň boldy. Şu ýylyň iki aýynda awtomobil, demir ýol, howa, deňiz we derýa ulaglary arkaly ýük daşamagyň ösüş depgini 100,5 göterime, ýolagçy gatnatmagyň ösüş depgini 104,5 göterime ýetdi.ÇEŞME:“Türkmenhowaýollary” agentligi

11.03.2025 08:53

«Türkmenistan» awiakompaniýasy 18-nji martda Saud Arabystanyna goşmaça uçuşy guramagy meýilleşdirýär

18-nji martda «Türkmenistan» awiakompaniýasy Aşgabat - Jidda (Saud Arabystany) - Aşgabat ugry boýunça goşmaça uçuşy girizmegi meýilleşdirýär. Awiakompaniýanyň habarynda bu uçuş diňe şu senede amala aşyrylar diýlip aýdylýar. Häzirki wagtda «Türkmenistan» awiakompaniýasy Aşgabat-Jidda-Aşgabat ugry boýunça hepdede iki gezek yzygiderli gatnawy – hepdäniň çarşenbe we anna günleri amala aşyrýar. çeşme:''Türkmenistanyň Ministrler Kabinetiniň ýanyndaky Ulag we kommunikasiýalar agentligi"

07.03.2025 10:38

Türkmenistanda tölegler üçin NFC ulgamlaryny we QR kodlaryny girizmek boýunça işler dowam etdiriler

2025-nji ýylda hem Türkmenistanda bank kartlaryny we töleg ulgamlaryny kämilleşdirmäge, olaryň goraglylygyny pugtalandyrmaga, hyzmatlaryň hilini ýokarlandyrmaga, öňdebaryjy tehniki serişdelerini mundan beýläk-de giňden ornaşdyrmaga aýratyn ähmiýet berler. Söwda nokatlarynda, hyzmatlar ulgamynda töleg amala aşyrylanda galtaşyksyz maglumat tehnologiýalaryny (NFC) we QR-kodlary peýdalanmak mümkinçiligi döredildi. Bu ugurdaky işler şu ýylda hem dowam etdiriler diýlip, TDH tarapyndan habar berildi.çeşme:''Türkmenistanyň Ministrler Kabinetiniň ýanyndaky Ulag we kommunikasiýalar agentligi"

05.03.2025 15:05

Aprel aýynda Astrahanda "Hazar sebitiniñ ulag logistikasy 2025" forumy geçiriler

2025-nji ýylyñ 23-24-nji apreli aralygynda Astrahanda Hazar sebitiniñ ulag logistikasy 2025" atly halkara forumy geçiriler. Bu möhüm çäre dürli ýurtlardan, şol sanda Russiýadan, GDA ýurtlaryndan, Hazarýaka sebitinden, Hindistandan we Hytaýdan gatnaşyjylary ýygnar. Forum Wolga-Hazar ulag ulgamynyñ we "Demirgazyk-Günorta" halkara ulag geçelgesiniñ ösüşine degişli derwaýys meseleleri ara alyp maslahatlaşmak üçin meýdança öwrüler.çeşme:''Türkmenistanyň Ministrler Kabinetiniň ýanyndaky Ulag we kommunikasiýalar agentligi"

05.03.2025 10:56

«Türkmenpoçtadan» çapar hyzmaty: bukjalary ibermek üçin amatly hyzmat

«Türkmenpoçta» Türkmenistanyň ýaşaýjylaryna ýollamalaryny tutuş ýurt boýunça ibermek üçin ygtybarly we amatly hyzmaty hödürlemek bilen, çaparçylyk hyzmatyny işjeň ösdürmegini dowam etdirýär. Kompaniýanyň çaparçylyk hyzmaty her bukjanyň çalt we ýokary hilli eltilmegini kepillendirýär hem-de gönüden-göni iberilen adamyň eline gowşurylmagyny üpjün edýär.çeşme:''Türkmenistanyň Ministrler Kabinetiniň ýanyndaky Ulag we kommunikasiýalar agentligi"

03.03.2025 09:24

Optiki-süýümli aragatnaşyk ulgamynyň geçirijilik ukyby has-da ýokarlandyrylar

Düýn hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň durmuşyna degişli birnäçe meselelere seredildi. Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew aragatnaşyk pudagyny ösdürmek we döwrebaplaşdyrmak boýunça geçirilýän işler barada hasabat berdi. Bellenilişi ýaly, ýurdumyzdan üstaşyr ýokary hilli we tizlikli maglumat akymlaryny geçirmäge amatly şertleriň bardygyny göz öňünde tutup, Türkmenistan bilen goňşy döwletleriň arasynda maglumat geçirijilik birikmeleriniň sanyny we maglumat geçirijilik tizligini artdyrmagyň, aragatnaşyk geçirijiligi goşmaça ätiýaçlandyrmagyň mümkinçilikleri öwrenildi. Bu babatda degişli işleriň geçirilmegi Türkmenistanyň Aziýa bilen Ýewropanyň arasynda möhüm üstaşyr maglumat geçiriji ýurt hökmünde ornuny has-da berkitmäge ýardam eder. Şunuň bilen baglylykda, döwlet Baştutanymyzyň garamagyna degişli teklipler hödürlenildi.ÇEŞME:“Türkmenhowaýollary” agentligi

03.03.2025 09:22

Türkmenistanda radioelektron serişdelerini getirmek üçin elektron hyzmatlary işe girizildi

«Türkmenaragatnaşyk» agentligi «Sanly çözgüt — IT meýdança» hojalyk jemgyýetiniň ýaş hünärmenleri bilen bilelikde mincom.gov.tm resmi saýtynda täze elektron hyzmatlaryny işläp düzdi we işe girizdi. Bu ulgam fiziki we ýuridiki şahslara Türkmenistana ykjam telefonlary, Wi-Fi routerleri we beýleki enjamlary öz içine alýan radioelektron serişdelerini getirmek üçin rugsat almak barada elektron görnüşde arzalary bermäge mümkinçilik berýär.çeşme:''Türkmenistanyň Ministrler Kabinetiniň ýanyndaky Ulag we kommunikasiýalar agentligi"

26.02.2025 14:26

Ýurdumyzda sanly ykdysadyýeti ösdürmek boýunça zerur işler dowam etdirilýär

21-nji fewralda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň durmuşyna degişli birnäçe meselelere garaldy. Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew “Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasynyň”, “Türkmenistanda sanly ykdysadyýeti ösdürmegiň 2021 — 2025-nji ýyllar üçin Döwlet maksatnamasynyň” hem-de bu Maksatnamany durmuşa geçirmek boýunça amala aşyrylmaly çäreleriň meýilnamasynyň ýerine ýetirilişi barada hasabat berdi. Bellenilişi ýaly, bu resminamalarda bellenen wezipeleri üstünlikli berjaý etmek maksady bilen, tapgyrlaýyn işler dowam etdirilýär. Hususan-da, edaralarda, kärhanalarda, guramalarda maglumat-aragatnaşyk tehnologiýalaryndan peýdalanmagyň derejesini ýokarlandyrmak, olaryň maddy-enjamlaýyn üpjünçiligini has-da gowulandyrmak, elektron resminamalar dolanyşygy ulgamyny we işiň täze usullaryny ornaşdyrmak, onuň işjeňligini artdyrmak, bu ugurda işleýän hünärmenleriň hünär derejesini ýokarlandyrmak babatda zerur işler durmuşa geçirilýär.ÇEŞME:“Türkmenhowaýollary” agentligi

25.02.2025 14:44

“Türkmenistan” awiakompaniýasy” açyk görnüşli paýdarlar jemgyýeti tarapyndan aşakda agzalan halkara gatnawlara uçýan ýolagçylara uçýan güni doglan güni bilen gabat gelen ýagdaýynda ýörite aksiýanyň bardygyny Size habar berýäris.

Hormatly ýolagçylar! 2025-nji ýylyň oktýabr aýynyň 25-na çenli “Türkmenistan” awiakompaniýasy” açyk görnüşli paýdarlar jemgyýeti tarapyndan aşakda agzalan halkara gatnawlara uçýan ýolagçylara uçýan güni doglan güni bilen gabat gelen ýagdaýynda ýörite aksiýanyň bardygyny Size habar berýäris. Aşgabat – Kuala-Lumpur – Aşgabat; Aşgabat – Hoşimin – Aşgabat; Aşgabat – Bangkok – Aşgabat; Aşgabat – London – Aşgabat; Aşgabat – Frankfurt – Aşgabat; Aşgabat – Milan – Aşgabat;ÇEŞME:“Turkmenistanairlines"

24.02.2025 11:58